කුඩේ අල්ලන කෙනාටයි වාසිය ….
දෙ අත් තිබියදී ඔහුට , මොහු කුඩේ අල්ලයි,
ඔහුට එන දුරකථන ඇමතුම පිළිතුරු දෙන්නෙත් මොහුමය
කෑම කනවිට , ඔහුගේ මුව පිස දමයි මොහු …කිසිඳු පැකිලීමකින් තොරව
ඔහු ඇවිදිනවිට , මොහු ඔහු පසුපස දුවයි
ඔහුගේ කතාවට අත්පොලසන්, මොහුගෙන් පටන් ගනී……
මනාප වෙනුවෙන් විදී බල්ලෙකු ලෙස ඇවිදින ඔහුගේ දෙපා වලට මොහු මඟ පෙන්වයි…….
මගේ කවියෙහි ඔහුව වර්ණනා කරන්න කියා මොහු කියයි ,
ඊට මම හිස නොනමන විට, මොහු මට බැන වැදී , මත් වී දොඩවයි.
මත් පැන් වෙනුවෙන් කෑ ගසන මොහු ඔහුගේ මුදල් වලින් නටා ගයා සැප විඳියි……
බොරු කියා ජනතාව රවටයි ….
මැරකමින් , හොරකමින් කල්ගෙවයි විනෝදවෙයි –
ජනතා සේවයට අගුළු දමා තමන්ගේ මඩිය තර කරගනී ….
මෙලෙස මොහු පෙන්වන රඟපෑම, මම බෙර ගසා කියන්න ගියොත්,
මගේ ‘තාලය වැරදී’ යැයි කියා .. ගම පුරා කතා හදයි…..
ගම පුරා වේගයෙන් පැතිරෙන මේ වේයෝ බිහිවෙන ගස්, මුල පිටින් උගුල්ලන්න
ගමට එක් “භාරදී” කෙනෙක් බිහි විය යුතුය……
එවිට අඳුරු දැල් බැඳුනු අපේ කඳුකරය වෙනස් වනු ඇත
එතෙක් …. කුඩය අල්ලන කෙනාට තමයි වාසිය …..
