ආණ්ඩුවේ කැබිනට් අමාත්යවරැන් වන හරින් ප්රනාන්දු හා මනුෂ නානායක්කාර යන මහත්වරුන් සමගි ජන බලවේග පක්ෂයෙන් නෙරපා හැරීමට ගන්නා ලද තීන්දුව නිත්යානුකූල බව ශ්රේෂ්ඨාධිකරණය අද තීන්දු කළේය.
ශ්රේෂ්ඨාධිකරණයේ මෙම තීන්දුවත් සමග හරීන් ප්රනාන්දු හා මනුෂ් නානායක්කාර මහත්වරුන් ට සිය පාර්ලිමේන්තු මන්ත්රී ධූරද අහිමි වෙයි.
ඒ සමගම සමගි ජන බලවේගයට තවත් මන්ත්රීවරුන් දෙදෙනෙකු පාර්ලිමේන්තුවට පත් කර ගැනීමේ අවස්ථාව හිමිවීමට නියමිතය.
තමන් අතහැරීම ප්රගුණ කළ පුද්ගලයකු වන නිසා ඇමති ධූරය අත හැරීම එතරම් දෙයක් නොවන බව හිටපු සංචාරක ඉඩම් ක්රීඩා හා යෞවන කටයුතු ඇමති හරින් ප්රනාන්දු මහතා සඳහන් කරයි.
තමන් අමාත්යංශ හතරක රාජකාරි ඉතා හොඳින් සිදු කල බව විශ්වාස කරන බවද හෙතෙම අද සිය අමාත්යංශයේ නිලධාරීන් අමතමින් පැවසීය.
අධිකරණයෙන් ලද නියෝගයට ගරු කරන බවත් තමන් ජනාධිපතිවරයාට සහාය දීමට එකතු වූයේ මෙවන් දෙයක් විය හැකි බව දැනගෙනම බවත් හෙතෙම එහිදී සඳහන් කළේය.
තමන්ට අමාත්ය ධුරයෙන් ඉවත් කලද පුරවැසිබාවයෙන් ඉවත් කල නොහැකි බවද පැවසූ ඔහු ඉදිරියේදී තවදුරටත් රට වෙනුවෙන් සේවය කරන බවද කියා සිටියේය.
