මගේ උඳුවප් – බෘන්තා රාජගෝපාලන්

කිසිවෙකුත්
හානි නොකරන්න
මගේ උඳුවප් උදැසනට

කිසිවෙකුත්
කෑ නොගසන්න දෑස්
පෙනෙන මිදුලේ සිට

පොරවනය තුළ මා
අත්අඩංගුවට ගත්
සීතලත් සමඟ සාකච්ඡාවක්කර , ඉන් පිට වෙමි

එතෙක්
ප්‍රහාර එල්ල
නොකරන්න.

පින්නෙන් මූණ සෝදනා
දළු සේ- එක් සිනහවක් සමඟ
දෑස් විවර කරන්න සිතමි

සූර්‍යයා අනෙක්
මාසවල උදෑසන
බිද දමයි….
උඳුවප් මස
පමණක් සූර්‍යයාත්
මදක් දෑස් පියා ගනී….
උඳුවප් මස නාන විට
පළමු ජල බිද දැවටෙන තුරු
තිස්වරක් – මනස
වෙවලා යයි සීතලේ….

උඳුවප් මහේ
තරහව මදක් නිමවන
මධ්‍යහන කාලයෙත් ,
යටි පතුල්
ඝණ වී යන
සීතලකි….

උඳුවප් මහේ
වතුර සේ
කඳුළුත් සීතල වී ඇත ….
සමරන්න ඒ කඳුළුත්
සීතල සමඟ ….