මහ පරිමාණ සත්ව ගොවිපොළ හයක් දේශීය හෝ විදේශීය ආයෝජන සහිත ආයතනවලට දීර්ඝ කාලීන පදනමින් බදු දීමට ජාතික පශු සම්පත් මණ්ඩලය විසින් ටෙන්ඩර්පත් කැඳවනු ලැබ ඇත.
මෙසේ බදු දීමට නියමිතව ඇත්තේ ජාතික පශු සම්පත් මණ්ඩලයට අයත් නුවරඑළිය බෝපත් තලාව ගොවිපොළ (අක්කර 1133) පුත්තලම කොට්ටුකච්චිය ගොවිපොළ (අක්කර 500යි) කුරුණෑගල නිකවැරටිය ගොවිපොළ (1054), අනුරාධපුර ඔයාමඩුව ගොවිපොළ (1477), අනුරාධපුර පරසන්ගස්වැව ගොවිපොළ (1632) සහ හම්බන්තොට වීරවිල ගොවිපොළ (472)යන ගොවිපළ හය ය.
ශ්රී ලංකාවේ සත්ව පාලනය සහ දියර කිරි කර්මාන්තය දියුණු කිරීමට හා රටට අවශ්ය අභිජනන සතුන්, කිරි, මස්, කෘෂිකාර්මික බෝග වගාව (සත්ව පාලන සඳහා අවශ්ය) සඳහා මහා පරිමාණ ගොවිපොළ සංවර්ධනය කිරීමට අදහස් කර ඇති හෙයින් එම ගොවිපොළවල් සතු ඉඩම් මෙම ව්යාපෘතිය යටතේ නවීන තාක්ෂණය භාවිතයෙන් සංවර්ධනය කිරීමට අපේක්ෂා කරන බව ජාතික පශු සම්පත් මණ්ඩලය පවසයි.
