මූලික පාරිභෝගික භාණ්ඩවලට උපරිම මිල සීමාවන් නියම කිරීමට රජය සැලසුම් කර ඇත . ජනාධිපති රනිල් වික්රමසිංහ මහතා පසුගියදා පාර්ලිමේන්තුවේ විශේෂ ප්රකාශයක් ඉදිරිපත් කරමින්ද මේ බව අවධාරණය කළේය .
උද්ධමනය ඉහළයාම පාලනය කිරීම අරමුණු කරගනිමින් මෙම පියවර ගන්නා බවද ජනාධිපතිවරයා මෙහිදී අවධාරණය කර සිටියේය .
නිෂ්පාදකයින්ගේ අත්තනෝමතික මිල ඉහල නැංවීම් හරහා පීඩාවට පත්ව සිටින පාරිභෝගික ජනතාවට යම් සහනයක් සැලසීමට මෙම පියවර හරහා හැකිවනු ඇති බව පාරිභෝගික අධිකාරියේද අදහස වී ඇත .
විශේෂයෙන්ම , සිමෙන්ති හා වානේ සඳහා නැවත පාලන මිලක් ක්රියාත්මක කරලීම පිළිබඳව පාරිභෝගික අධිකාරිය දැනටමත් රජයට යෝජනා කර ඇත .
මේ ආකාරයේ පාලන මිලක් ක්රියාත්මක නොවීම හේතුවෙන් වානේ හා සිමෙන්ති කම්හල් හිමියන් , පසුගිය වසර පුරාවට කිසිදු සීමාවකින් තොරව අවස්ථා කිහිපයකදීම තම නිෂ්පාදනවල මිල ඉහළ නංවා ඇත .
විශේෂයෙන්ම දේශපාලකයින්ගේ සහය හා ආරක්ෂාව යටතේ මෙම කම්හල් හිමියන් ඉතා අධික හා අසාධාරණ ලෙස ලාභ ලබා ඇති බවටද මේ වනවිට තොරතුරු අනාවරණය වෙමින් ඇත ,
බැසිල් රාජපක්ෂ මහතා , මුදල් අමාත්යවරයාව සිටි කාලසීමාවේදී , සිමෙන්ති සඳහා පනවා තිබු පාලන මිල ඉවත්කළ අතර ඒ හරහා සිමෙන්ති මිල 300% ක ප්රමාණයකින් ඉහල ගියේය .
මේ අතර වානේ සඳහා කිසිදු පාලන මිලක් නොපැනවින . “ලංවා නන්දන ” ලෙසින් කුප්රකට පුද්ගලයෙකු හා එක්ව වානේ ව්යාපාර කටයුතුවල නිරතව වූ බවට , රාජපක්ෂ පවුලේ ඇතැම් සාමාජිකයින් වෙතද පසුගිය කාලයේ විවිධ චෝදනා එල්ලවිය . එම චෝදනාවන් ඔවුන් විසින් තරයේ ප්රතික්ෂේප කල නමුත් , අවසානයේ සිදුවුයේ , වානේ සඳහා මිල පාලනයක් සිදුනොකිරීම හා එහි ප්රතිඵලයක් ලෙස , රුපියල් 125000 පමණ මිලකට පැවති වානේ මෙට්රික් ටොන් එකක මිල රුපියල් 625000 දක්වා ඉහල යාමය .
සිමෙන්ති සහ වානේ ඉන්දියාවෙන් ආනයනය කළහොත් ,දැනට පවතින මිලට වඩා සියයට 50කට වඩා අඩු මිලකට ඒවා අලෙවි කල හැකි බවටද ආර්ථික විශේෂඥයින් පෙන්වාදී ඇත .
